Македонскиот ракометен голман Градимир Чаневски замина во Израел и во иднина ќе го брани голот на Макаби Ришон Лезион. Тој одлучи да го прифати интернационалниот предизвик и потпиша двегодишен договор со новиот клуб. Станува збор за еден од двата најдобри тима во израелскиот шампионат.
Чаневски минатата сезона го носеше дресот на Бутел Скопје, а таму дојде од тимот на Еурофарм Пелистер.
Макаби Ришон Лезион има 16 шампионски титули на Израел, како и десет трофеи во Купот на оваа земја.