Хулијан Алварез минатото лето дојде во Манчестер Сити од Ривер Плата за околу 20 милиони евра, но во следниот преоден рок би можел да замине на позајмица во Барселона бидејќи сѐ уште не добива задоволителна минутажа кај менаџерот Пеп Гвардиола, пишуваат шпанските медиуми.
Аргентинскиот напаѓач, кој со својата земја го освои Светското првенство во Катар и постигна два гола во полуфиналето во Хрватска, ја нема очекуваната улога во Сити покрај Ерлинг Халанд, поради што не ја исклучува опцијата за заминување на лето, пишува „Мундо Депортиво“.
Шпанскиот медиум тврди дека Сити планира да го продолжи договорот на Алварез кој сега е со важност до 2027 година и да му ја зголеми платата по настапот на Мундијалот, но фудбалерот сѐ уште нема постигнато договор со раководството на клубот од Манчестер.
Шпанците истакнуваат дека Барселона и Сити имаат многу добри односи и потсетуваат дека каталонскиот клуб претходно планирал да го доведе Алварез. Сепак, аргентинскиот напаѓач заврши во Сити, за кого сезонава забележа 30 настапи и постигна десет гола.