По Серхио Бускетс, уште еден од сенаторите, Џорди Алба ќе ја напушти Барселона. Претходно, во октомври, кариерата ја заврши Џерар Пике.
Оваа вест денеска ја потврди Џерард Ромеро, новинар со јаки извори во клубот.
„Џорди Алба ја напушта Барселона. Клубот тоа ќе го соопшти денеска. Тој ќе се откаже од голем дел од платата за следната сезона и ќе замине како слободен играч“.
Каталонски извори истакнуваат дека заминувањето на Алба нема никаква врска со потенцијалното враќање на Меси, исто како што тврдеа со Бускетс и дека тоа било желба на играчот, а не притисок од клубот.
Сепак, останува да се види дали Меси навистина ќе се согласи да се врати во момент кога клубот го напуштија неговите најдобри пријатели во Барселона.
Како и Серхио Бускетс, не е познато каде Алба ќе ја продолжи кариерата, но се шпекулира дека не сака да ја напушти Шпанија. Доколку остане во Шпанија, веројатно ќе се пресели во Атлетико Мадрид.
Алба во Барселона пристигна летото 2012 година од Валенсија за 14 милиони евра.
За првиот тим на Барселона забележа 458 настапи, постигна 27 гола и забележа 99 асистенции. Освои шест титули во Ла Лига, пет трофеи во Купот на кралот, четири во шпанскиот Суперкуп и по еден трофеј во Лигата на шампионите, Светското клупско првенство и Суперкупот на Европа.
OFICIAL. Jordi Alba dice adiós pic.twitter.com/9qAmdEi5V1
— Gerard Romero (@gerardromero) May 24, 2023