Вардар се одмазди за елиминацијата од Купот на Македонија Ѓорче Петров, победувајќи со 3:1 на гости за да останат на првото место во Првата лига, со идентични 2 поени предност пред актуелниот шампион Шкендија, која стигна до 2:0 победа во Струмица против Беласица.
До победата Вардар стигна во последните минути од мечот, откако голот на Лира во првото полувреме не беше доволен по израмнувањето преку Божиновски во 54. минута. Мицевски во 90-тата минута и Попзлатанов во 93. минута обезбедија три поени за „црвено-црните“.
Шкендија пак, рутински со головите на Емини и Тотре стигна до 2:0 победа над Беласица, додека Академија Пандев „падна“ на Чаир и загуби со 1:0 од Шкупи, за кои единствениот гол го постигна Ангелов. Ренова и Силекс одиграа 1:1, додека Работнички полека се враќа во вистинска форма со 3:1 победата над Победа.
ПРВА ЛИГА, 12. КОЛО
Беласица – Шкендија 0:2
Македонија Ѓорче Петров – Вардар 1:3
Работнички – Победа 3:1
Ренова – Силекс 1:1
Шкупи – Академија Пандев 1:0
Табела: 1.Вардар 27, 2.Шкендија 25, 3.Академија Пандев 19, 4.Работнички 17, 5.Победа 14, 6.Ренова 13, 7.Македонија ЃП 13, 8.Беласица 13, 9.Шкупи 12, 10.Силекс 11
Фото: ФК Вардар