Арсенал се согласи да го продаде Леандро Тросард во Бешикташ по Светското првенство, тврдат англиските и турските медиуми. Белгискиот интернационалец е подготвен да го заврши својот три и полгодишен престој на стадионот „Емирати“ и се приближува кон трансфер во турската Суперлига вреден 20 милиони евра, пишува „Трансфермаркт“.
Според „Атлетик“, Бешикташ веднаш ќе му плати на Арсенал 18 милиони евра, а износот со бонуси би можел да се зголеми на 20 милиони. Тоа е значајна инвестиција за „Црните орли“ и нивниот најголем трансфер откако го доведоа турскиот репрезентативец Оркун Кокчу од Бенфика за 30 милиони евра.
Договорот сè уште не е финализиран бидејќи Бешикташ сè уште не се договорил за личните услови со Тросард, чиј договор со клубот од северен Лондон важи до јуни 2027 година.
Заминувањето на Белгиецот ќе го отвори патот менаџерот Микел Артета да го зголеми интересот за својата главна летна цел, ѕвездата на Астон Вила, Морган Роџерс, кој треба да го замени Тросард на левото крило. Вила го проценува Роџерс на околу 150 милиони евра, а продажбата на Тросард ќе му обезбеди на Арсенал дополнителни средства за да го реализира трансферот.
Тросард пристигна во Арсенал од Брајтон, во јануари 2023 година за 24 милиони евра. Оттогаш, тој има 174 настапи и учествувано во 70 голови. Минатата сезона, тој постигна осум гола и забележа 11 асистенции во 50 натпревари. Со Арсенал, тој ја освои титулата во англиското првенство, прва за клубот од 2004 година, а беше и во почетниот состав во финалето на Лигата на шампионите против Пари Сен Жермен, во кое францускиот тим победи на пенали.
Foto/ depositphotos