Шампионот од Евролигата, Реал Мадрид го доживеа првиот пораз во новата сезона, откако во деветтото коло „налета“ на расположениот Василис Спанулис и Олимпијакос, кои ги победија со 88:83 во Грција.
Натпреварот ќе остане забележан по нешто што ретко се гледа на терените – Спанулис постигна три тројки за само 46 секунди во третата четвртина за неверојатно лудило во Атина.
Во Израел пак, финалистот од Евролигата, Фенербахче стигна до тешка 74:70 гостинска победа кај Макаби Тел Авив, но најмногу по сѐ изгледа настрадаа и така „тенките“ нерви на тренерот Жељко Обрадовиќ.
Макаби беше во контрола во првото полувреме и имаше предност од 41:36, нешто што очигледно не му се допадна на српскиот стручњак, кој повторно имаше еден од своите „испади“. На крајот, Костас Слукас даде 18 поени, Марко Гудуриќ додаде 13, а Фенер стигна до осмата победа и се израмни со Реал.
Zeljko Obradovic yargı dağıtıyor…
Tüm GVideolar için • @KramponSport pic.twitter.com/Y5CiGJyhl1
— Krampon Gol (@lockedsport) November 22, 2018
ЕВРОЛИГА, 9.КОЛО
Дарушафака – Анадолу Ефес 88:93 (23:19, 23:23, 14:32, 28:19)
Олимпијакос – Реал Мадрид 88:83 (29:22, 23:19, 13:24, 23:18)
Макаби Тел Авив – Фенербахче 70:74 (16:13, 25:23, 12:19, 17:19)