Синот на Михаел Шумахер, Мик, оваа сезона настапува во Формула 2 шампионатот и на денешната прва трка направи нешто што потсети на неговиот татко. Но, не на најдобрите моменти.
Мик Шумахер прво извлече фантастично претекнување на стартот на трката, пред да се судри со Татјана Калдерон на кривината „Ла раскас“ предизвикувајќи црвено знаме бидејќи болидите едноставно не можеа да поминат.
??RED FLAG??
There was chaos in the first Monaco GP F2 race after Mick Schumacher blocked the track after coming together with Tatiana Calderon!
Read all about it: https://t.co/agUzO7Chn0
— Sky Sports F1 (@SkySportsF1) May 24, 2019
Ова неизбежно донесе споредби со 2006 година, кога Михаел Шумахер во текот на квалификациите контроверзно се паркираше на истото место не дозволувајќи ривалите (во прв план Фернандо Алонсо) да го подобрат неговото време. Иако Шуми тврдеше дека не го направил тоа намерно, стјуардите не мислеа така и го казнија.
Инциденот овојпат не беше контроверзен, бидејќи беше јасно дека помладиот Шумахер се обиде да најде место за да помине.