Легендата на Мото ГП шампионатот, Валентино Роси, овој викенд ќе ја вози својата последна мотоциклистичка трка на Валенсија ГП трката, а неговите поранешни тимови направија убав гест, откако ги „наредија“ сите негови шампионски болиди.
Еден мотоцикл од неговите девет шампионски титули беше поставен заедно со претставник од фабриките – Лин Џарвис за Јамаха (2004, 2005, 2008, 2009), Алберто Пуиг за Хонда (2001, 2002, 2003) и Масимо Ривола за Априлија (1996, 1998).
„Ќе се обидам последната трка да биде нормална, но мислам дека тоа не е возможно. Емоциите се многу големи уште денеска кога ги видов мотоциклите наредени и сите возачи тука. Ги имам сите овие мотоцикли дома, освен Хондите. Моторите на Јамаха ми се дома, 2004 моделот е во мојата спална, така што секогаш кога станувам го гледам мотоциклот. Се надевам дека Хонда ќе го смени мислењето и ќе ми даде еден мотоцикл, верувајте ќе биде поставен на вистинска температура и на вистинско место во мојот дом“, вели Роси.
Emotional thursday in Valencia
Oggi eravamo in buona compagnia pic.twitter.com/NNVDF9vMUc— Valentino Rossi (@ValeYellow46) November 11, 2021