Top Sport

Ферстапен до драматична пол-позиција во Австрија, двата Мерцедеси во аут!

На воодушевување на неговите холандски навивачи, светскиот шампион Макс Ферстапен ја освои пол-позицијата пред спринтерската трка на Австриското ГП на патеката Ред бул ринг, победувајќи ги двајцата возачи на Ферари, додека лоша среќа имаа возачите на Мерцедес, откако и Луис Хамилтон и Џорџ Расел ја завршија третата квалификациска сесија во ѕидот.

По двете подолги паузи поради инцидентите на Расел и Хамилтон, возачите имаа прилика за само еден летечки круг за да го подобрат времето и Шарл Леклер и Карлос Саинс Јуниор успеаја да го подобрат времето на Холанѓанецот, пред Ферстапен да ја врати првата позиција.

Леклер ќе стартува покрај Ферстапен во утрешната трка, додека во вториот ред ќе се Саинс и вториот возач на Ред бул рејсинг, Серхио Перез.

Scroll to Top