Луис Хамилтон во пресрет на стартот на новата сезона во Формула 1 изјави дека новиот болид на Мерцедес не е подготвен да се бори за првото место. Да потсетиме, Мерцедес славеше во тимскиот поредок во последните осум сезони, а Хамилтон остана без титула на последната трка минатата сезона во директниот дуел со Макс Верстапен.
„Во моментов мислам дека не сме подготвени да победуваме… Мислам дека луѓето ќе бидат изненадени… Ние не сме најбрзиот болид. Ферари е веројатно најбрзиот, тука е Ред Бул, а потоа ние или Мекларен… Не знам кој е трет, но знам дека не сме најбрзи“, изјави Хамилтон.
“Чувството е многу поразлично од минатата година. Сега имаме многу поголеми предизвици и мораме многу да забрзаме. Имаме потенцијал да бидеме најдобри, но ќе мора да решиме некои проблеми и да надминеме неколку пречки”. изјави Хамилтон во пресрет на почетокот на новата Формула 1 сезона на 18 март.