Скудерија Ферари потврди дека и наредната сезона, возачите Шарл Леклер и Карлос Саинц ќе имаат ист статус во тимот.
Ферари, 2021 гдина, ја завршија на третото место. Пред нив беа Мерцедес и Ред Бул. Скудерија се надева дека поуспешни ќе бидат во 2022 поради што и порано ги започнаа подготовките.
Шефот на тимот, Матија Биното, повторни дека возачите ќе имаат еднаков статус. Евентуални промени можат да бидат условени со резултатите на едниот или другиот возач.
„Патеката е таа која одлучува. Приоритет секогаш ќе биде тимот, тука нема простор за дискусија. Доколку бидат во ситуација да се борат за важно место во шампионатот, тогаш е јасно. Резултатите сами ќе си ја донесат одлуката. Некогаш не станува збор само за талентот или потенцијалот на возачот. Мислам дека немаме потреба да имаме прв и втор возач. Доколку има потреба ќе ја отвориме таа тема“, рекол Биното.