Мото ГП шампионот, Марк Маркез триумфираше на домашното ГП во Херез откако го презеде водството на стартот на трката и потоа успеа да ги остави сите ривали зад него за да се врати на првото место во генерален пласман.
Маркез на стартот успеа да го победи изненадувачкиот освојувач на пол-позицијата, Фабио Квартараро во Петронас Јамаха, кој потоа беше неговиот најблизок ривал, пред мотоциклот на Французинот да успори од второто место, кога изгледаше дека е подготвен да тргне во лов на Шпанецот.
На крајот, Маркез успеа да го победи Алекс Ринс, а подиумот го комплетираше уште еден возач на Јамаха, Маверик Вињалес. Двојката на Дукати Андреа Довициозо и Данило Петручи беа на четвртото, односно петтото место, додека ветеранот Валентино Роси беше шести, откако имаше ужасни квалификации и стартуваше од 13. место.
Во тесната трка во генерален пласман, Маркез со две победи во 2019 има 70 поени, пред Ринс (69), Довициозо (67) и Роси (61).
That’s what world champions do! ?@marcmarquez93 takes his second win of 2019! ?#SpanishGP ?? pic.twitter.com/EvjqP7UR5W
— MotoGP™ ?? (@MotoGP) May 5, 2019