Серхио Перез, возачот на Ред Бул го освои второто место на трката за Големата награда на Шпанија, но Мексиканецот, по завршувањето на трката не го криеше незадоволството од одлуката на тимот и наредбата да го пропушти Макс Ферстапен.
Откако Шарл Леклер се откажа од трката, Перез го зазеде првото место и беше јасно дека со стратегијата, со две застанувања може да триумфира во Барселона. Сепак, челниците на тимот мислеа поинаку.
„Не беше фер. Мислам дека имав шанса да победам. Кога, првиот пат му го препуштив првото место на Макс ми беше кажано дека ќе можам да ја вратам таа позиција. Имав подобар ритам од Макс и Расел, но тоа не беше доволно да бидам прв на крајот“, истакна Перез.
„Мораме да разговараме за некои работи во тимот“, заврши Перез.