Пред тренинзите на Саудиското ГП во Џеда, седумкратниот светски шампион Луис Хамилтон неочекувано потврди дека ја прекинува соработката со асистентката Енџела Кален, со која работеше седум години и со која дури живееше заедно за време на коронавирусот.
Хамилтон и Новозеланѓанката Кален ја соопштија веста преку социјалните мрежи.
„Последните седум години Енџела постојано беше до мене, туркајќи ме да станам најдобрата верзија. Сега сум посилен спортист и подобра личност поради неа. И посакувам многу среќа во нејзините следни чекори и остварување на соништата“, напиша Хамилтон.
48-годишната Кален е поранешна хокеарка на трева, и се грижеше за сите потреби на возачот на Мерцедес за врема на соработката, надгледувајќи ги неговите тренинзи и делувајќи како лична асистентка.