МАКЕДОНИЈА
Македонската фудбалска репрезентација го направи тоа што многумина го сметаа за невозможно – се пласираше првпат во историјата на едно големо натпреварување. Големото срце, пожртвуваноста на теренот и водството на селекторот Игор Ангеловски ги направија миленици на македонската јавност, која сега очекува достојно претставување на националниот дрес.
Конкуренцијата е силна, но Македонија конечно покажа дека може да се носи со секаков противник (поздрав до германската репрезентација) и дека ништо не е невозможно. Напред момци!
Голмани: Димитриевски (Рајо Валјекано), Шишковски (Докса), Јанков (Работнички)
Одбрана: Ристовски (Динамо Загреб), Муслиу (Фехервар), Бејтулаи (Шкендија), Ристевски (Упешт), Зајков (Шарлроа), Велковски (Ријека), Алиоски (Лидс)
Среден ред: Адеми (Динамо Загреб), Барди (Леванте), Спировски (АЕК Ларнака), Николов (Лече), Костадинов (Ружемберок), Хасани (Партизани), Елмас (Наполи), Аврамовски (Кајсериспор), Чурлинов (Штутгарт), Радески (Академија Пандев).
Напад: Пандев (Џенова), Трајковски (Мајорка), Тричковски (АЕК Ларнака), Стојановски (Шамбли), Велковски (Сараево), Ристовски (Спартак Трнава).
ХОЛАНДИЈА
Холанѓаните се враќаат на големите натпреварувања откако двапати во низа не успеаја да се квалификуваат, но тоа не ја намалува нивната фудбалска вредност и позицијата на најголеми фаворити во нашата група.
Во одбраната секако ќе им недостасува Виргил ван Дајк, а во последно време фановите се свртеа против за нив дефанзивната тактика на селекторот Франк де Бур, но тешко на тие кои ќе ги потценат „оранје“.
Голмани: Силесен (Валенсија), Крул (Норич), Стекеленбург (Ајакс)
Одбрана: Аке (Манчестер сити), Блинд (Ајакс), Де Лихт (Јувентус), Де Фрај (Интер), Дамфрис (ПСВ), Тимбер (Ајакс), Ван Анхолт (Кристал палас), Велтман (Брајтон), Вајндал (АЗ)
Среден ред: Ф.Де Јонг (Барселона), Де Рон (Аталанта), Гравенберх (Ајакс), Класен (Ајакс), Копмајнерс (АЗ), Вајналдум (Ливерпул)
Напад: Бергхајс (Феенорд), Л.Де Јонг (Севилја), Депај (Лион), Гакпо (ПСВ), Мален (ПСВ), Промес (Спартак Москва), Вегхорст (Волфсбург).
УКРАИНА
Под водство на селекторот Андриј Шевченко, Украина има едноставна цел на ЕУРО 2020 – првпат да ја помине групната фаза по елиминациите во 2012 и 2016.
Столбот на украинската репрезентација го прават фудбалери од двата гиганти – Динамо Киев и Шахтјор Доњецк, од каде што доаѓаат многу млади таленти. Нивната најголема сила е моќниот среден ред со Степаненко, Малиновскиј и Зинченко, и ќе биде тешко да се обезбеди доминација во овој дел од теренот.
Голмани: Бушчан (Динамо Киев), Пјатов (Шахтјор), Трубин (Шахтјор)
Одбрана: Собол (Бриж), Забарњи (Динамо Киев), Кривцов (Шахтјор), Попов (Динамо Киев), Тимчик (Динамо Киев), Миколенко (Динамо Киев), Караваев (Динамо Киев), Матвијенко (Шахтјор)
Среден ред: Сидорчук (Динамо Киев), Малиновскиј (Аталанта), Шапаренко (Динамо Киев), Марлос (Шахтјор), Макаренко (Котрајк), Зинченко (Манчестер сити), Циганков (Динамо Киев), Степаненко (Шахтјор), Јармоленко (Вест хем), Зубков (Ференцварош), Судаков (Шахтјор), Безус (Гент)
Напад: Јаремчук (Гент), Беседин (Динамо Киев), Довбик (Днипро)
АВСТРИЈА
Австрија има сличен проблем како и Украина – во претходните два настапи на Европските првенства нема остварено победа, и очекувањата од „Дас тим“ се големи под водство на селекторот Франко Фода.
Тие беа убелдиви против нас во квалификациските групи за првенството, но во последните натпревари пред ЕУРО 2020, се покажа дека нивниот напад не функционира најдобро без расположениот Марко Арнаутовиќ.
Голмани: Бахман (Вотфорд), Перван (Волфсбург), Шлагер (ЛАСК)
Одбрана: Алаба (Реал Мадрид), Драговиќ (Леверкузен), Фридл (Вердер), Хинтерегер (Ајнтрахт), Лајнер (Менхенгладбах), Линхарт (Фрајбург), Пош (Хофенхајм), Тримел (Унион), Улмер (Салцбург)
Среден ред: Баумгартлингер (Леверкузен), Баумгартнер (Хофенхајм), Грилич (Хофенхајм), Илзанкер (Франкфурт), Лајмер (Лајпциг), Лазаро (Интер), Забицер (Лајпциг), Шауб (Луцерн), Шлагер (Волфсбург), Шепф (Шалке)
Напад: Арнаутович (Шангај порт), Грегорич (Аугзбург), Кајалџиќ (Штутгарт), Онисиво (Мајнц)