Јохан Хејнкес, агентот на дефанзивецот на Рома, Рик Карсдорп, побара објаснување од тренерот Жозе Мурињо поради неговите коментари дека еден од неговите играчи ги изневерил соиграчите. Мурињо во средата тврдеше дека играч на Рома покажал лош став на ремито 1:1 во Серија А против Сасуоло.
Португалскиот тренер одби да го именува играчот, но италијанските медиуми објавија дека се работи за Холанѓанецот Карсдорп.
„Изненадени сме од изјавите на Мурињо кои укажуваат на Рик, без Мурињо или Рома да го споменат неговото име. Сакаме објаснување од клубот за зборовите на тренерот. Не е во ред вака да се однесува со играч кој пет години игра за Рома“, изјави Хејнкес за холандската телевизија „НОС“.
Карсдорп дојде во Рома во 2017 година од Феенорд и има 11 настапи за римјаните оваа сезона.