Антони нема да се врати во тимот на Манчестер јунајтед додека не се расчистат обвинувањата од неговата поранешна девојка Габриела Каваљин за насилство, потврдија од клубот. 23-годишнот Антони не суспендиран, туку му е дозволено отсуство (со целосна плата) за да се брани од обвинувањата на три жени во Бразил.
Оваа одлука е направена по консултациите со генералниот директор Ричард Арнолд и менаџерот Ерик Тен Хаг, и доаѓа откако бразилската репрезентација реши да го исфрли Антони за мечевите против Боливија и Перу.
„Манчестер јунајтед ги доби обвиненијата против Антони. Играчите кои не учествувале во меѓународните натпревари треба да се јават на тренинг во понеделник, меѓутоа договорено е со Антони тој да го одложи враќањето до одреден датум за да реагира на обвиненијата. Ние како клуб го осудуваме насилството и малтретирањето“, се вели во објавата на Манчестер јунајтед.
Антони не е уапсен, но полицијата во Манчестер и во Сао Пауло ги истражува обвинувањата против него, откако 22-годишната Каваљин тврдеше дека тој ја нападнал физички четири пати. Поранешниот фудбалер на Ајакс ги отфрли обвинувањата и во петокот во интервју во кое плачеше тврдеше дека е невин.
Покрај Каваљин, Антони за насилство го обвинија уште две жени – студентката Рајсаде Фреитас и банкаркта Ингрид Лана.
An update on Antony.
— Manchester United (@ManUtd) September 10, 2023