Крилниот напаѓач на Реал Мадрид, Марко Асенсио, е незадоволен од понудата на клубот за нов договор. Актуелната соработка истекува на лето, а постојано се појавуваат различни информации во врска со желбата на играчот да остане или да го напушти „Сантијаго Бернабеу“.
Реал се обидува да ја намали платата на Асенсио. Тој моментно заработува 5 милиони евра по сезона, но клубот сака тој повторно да потпише за помала сума. Сепак, Асенсио не е задоволен со овој предлог, а истото важи и за неговиот агент Жорге Мендеш.
За Асенсио има сериозен интерес и од други клубови кои се подготвени да му излезат во пресрет на финансиските барања. Во последните месеци неговото име се поврзуваше со Барселона, Милан, Њукасл, Ливерпул и со Манчестер Јунајтед.