Фудбалерите на Атлетико Паранаенсе го освоија трофејот во Копа Судамерикана, клупско натпреварување во Јужна Америка, кое е пандан на Лига Европа на УЕФА. Атлетико во 94-годишната историја го освои првиот континентален трофеј.
Победникот во Копа Судамерикана беше решен по изведувањето на пенали, откако во два одиграни натпревари немаше победник.
Двете средби што ги одиграа Атлетико Паранаенсе и Атлетико Хуниор (Колумбија), завршија со резултат 1:1.
Во двете средби Бразиците беа тие што први постигнуваа гол. Во реваншот резултатот го отвори Пабло во 26.минута, а 30 минути подоцна израмни колумбискиот репрезентативец Тео Гутиерез.
Пенал-рулетот им припадна на фудбалерите на Атлетико Паранаенсе кои промашија еден пенал, додека играчите на Атлетико Хуниор два пати беа непрецизни од белата точка.