Челси е третиот полуфиналист во англискиот ФА куп по Манчестер јунајтед и Арсенал, откако на тешкото гостување кај Лестер на „Кинг Пауер“, го имаа „џокерот“ Рос Баркли кој го постигна единствениот гол за 1:0 победа. Вечерва ќе се знае и последниот учесник на мини-турнирот на „Вембли“ по мечот Њукасл-Манчестер сити.
Човек на одлука за Френк Лампард беше Рос Баркли, кој во 63. минута најдобро се снајде по нафрлувањето на Вилијан за да го постигне својот трет гол во ФА купот од вкупно четири гола за „сините“ во 2019/20. Покрај тоа, тој вкупно има четири гола во куп-натпреварувањата во Англија во споредба со вкупно три во Премиер лигата.
Со ова се продолжува лошата форма на „лисиците“ по рестартот на фудбалот во Англија, откако во двата меча од Премиер лигата, двапати одиграа нерешено, додека Челси сега има три победи во три меча.
Ross Barkley scores his 3rd FA Cup goal of the season to put us ahead against Leicester!
He’s been great since coming on, and great since the restart of the Premier League. Brilliant finish. pic.twitter.com/lGLxq8szzJ
— LDN (@LDNFootbalI) June 28, 2020