Борусија Дортмунд го насочи своето внимание кон играчот од средниот ред на Лориен, Енцо Ле Фи, како можна замена за Џуд Белингем, кој најверојатно ќе замине ова лето. Според „Билд“ тој е опција за „жолто-црните“, заедно со Едсон Алварез од Ајакс.
Ле Фи (23) оваа сезона постигна шест гола за Лориен, со кој има договор до 2024 година.
Фудбалерот е проценет на околу 15 милиони евра, а интерес за него покажуваат и Наполи и Брајтон. Тој е типичен централен играч од средниот ред и е висок само 170 сантиметри.
Ле Фи беше дел од олимпискиот фудбалски тим на Франција на Игрите во Токио.
Од таборот на Борусија не коментираат речиси ништо, но спортскиот директор Себастијан Кел изјави дека ќе биде тешко да се најде замена за неверојатен играч како Џуд Белингем, „дури и со многу пари“.
Реал Мадрид е фаворит за транферот на англискиот репрезентативец.