Челси се врати на првото место во Премиерлигата иако имаше тешка задача да стигне до неубелдива 1:0 победа над блиските лондонски соседи Брентфорд, во првата лигашка пресметка меѓу двата клуба по 74 години.
Новите премиерлигаши Брентфорд се едно од најпријатните изненадувања во новата сезона, и уште еднаш покажаа дека секој кој ќе гостува на „Комјунити“ стадионот ќе има тешка задача да освои поени.
Бен Чилвел во 45. минута постигна убав гол од далечина, кој беше доволен за три поени на тимот на Томас Тухел, со кои се на првото место на табелата со 19 поени, еден пред Ливерпул и два пред Манчестер сити.
Брентфорд кои во второто полувреме имаа повеќе шанси (10-1 во удари кон голот) и еднаш ја погодија стативата, немаа среќа и на крајот остануваат на седмото место по само вториот пораз оваа сезона.