Фудбалерот на Барселона и репрезентативец на Холандија, Френки де Јонг демантираше дека сака да го напушти клуботна крајот на сезоната. Некои британски и шпански медиуми неодамна објавија дека за холандскиот фудбалер се заинтересирани Манчестер јунајтед, Челзи и Пари Сен Жермен.
„Лут сум, бидејќи медиумите објавија многу информации, кои не се точни. Беа објавени многу лаги, вистината е далеку од реалноста. Информациите за мојата плата не се точни. Многу сум среќен во Барселона, тоа е клубот од моите соништа. Се надевам дека ќе играм уште многу години за овој клуб“, рече Де Јонг во Неапол пред првиот осминафинален натпревар од Лигата на шампионите против Наполи.
Де Јонг (26) пристигна во Барселона во 2019 година од Ајакс. Тој има договор со каталонскиот клуб до јуни 2026 година.
Холандскиот репрезентативец оваа сезона за каталонскиот клуб одигра 24 натпревари во сите натпреварувања и постигна еден гол.
Фудбалерите на Барселона вечерва од 21 часот гостуваат кај Наполи во првиот осминафинален натпревар од Лигата на шампионите.