Голманот на Манчестер сити, Едерсон, го продолжи договорот на уште две сезони, што значи дека на „Етихад“ ќе остане до 2025 година.
Бразилецот во „синиот“ дел на Манчестер пристигна минатото лето од Бенфика за сума од 35 милиони фунти. Сезонава настапи на 45 натпревари, успевајќи на 21 од нив да остане несовладан.
„Воодушевен сум поради новиот договор. Тоа значи дека во Сити се задоволни од мојата работа, дека ми веруваат, а јас се надевам дека ќе ги исполнам очекувањата“, рекол 24-годишниот голман.
Манчестер сити шампионската сезона ја заврши вчера со победата во Саутемптон (1:0). Сити до титулата дојде со рекордни 100 бода.
Amazing news!@edersonmoraes93 has signed a new deal and committed himself to the Club until 2025! ? #mancity pic.twitter.com/vraZv8hhBw
— Manchester City (@ManCity) May 13, 2018