По неверојатниот старт на сезоната во кој беа на првото место на табелата, Унион Берлин беа вратени во „реалноста“ откако на гостувањето на „Баер арената“ загубија со високи 5:0 од Леверкузен.
По израмнетото прво полувреме, Роберт Андрич го отвори резултатот во 46. минута, пред Муса Дијаби да постигне два гола во две минути (56. и 58.) за да најави катастрофа за гостите. Адам Хложек во 68. и Мичел Бакер во 76. минута ги „дотепаа“ гостите.
Унион останува на второто место на табелата со 26 поени, два помалку од Баерн Минхен, додека Леверкузен по првата победа по три меча се на 14. место со 12 поени.
Standings provided by Sofascore