Француската Лига 1 е првата од топ 5 лигите во Европа која потврди дека ја намалува својата елитна дивизија од 20 на 18 клубови, со слични планови во италијанската Серија А во обид да се намали бројот на натпревари кој еден клуб ги игра.
Проширените европски натпреварувања, со најавите за уште повеќе мечеви во лигите на УЕФА, како и желбата за посилна конкуренција во помала лига ги предизвика ЛФП да потврдат дека во сезоната 2022/23 ќе испаднат четири клуба, а само два ќе влезат од Лига 1.
Клубовите од италијанската Серија А подолго време преговараат со можност за кратење на лигата од 20 на 18 клуба, и во моментов се подготвува детална финансиска анализа на ваквиот потег. Италијанската прва лига најдолго време беше една од тие кои инсистираа на мал број на клубови, со 16 или 18 клуба, пред проширувањето на 20 клуба во 2004/05, кога на ваков начин се избегна тужба од Катанија за нивното испаѓање, заедно со легалните проблеми од финансиските проблеми на Наполи и Козенца.
Премиерлигата нема намера да се откаже од своите 20 клубови, како и шпанската Ла лига, додека во Германија остануваат на проверениот систем на 18 клуба.