Германија, со пораз од Франција (0:1), го започна настапот на ЕУРО 2020. Тековното првенство е последно на кое Германија ја предводи Јоаким Лев.
Веднаш по завршувањето на натпреварот, „Билд“, објави дека ова првенство може да биде последно и за големите германски ѕвезди, Тони Крос и Илкај Гундоган.
Според овој извор, новиот селектор, Ханс-Дитер Флик, во редот за врска планира да игра со Џошува Кимих и Леон Горецка. Ова значи дека Крос и Гундоган би биле резерви што никако не им се допаѓа.
„По ЕУРО, овие двајца ќе размислат дали и понатаму ќе играат за репрезентацијата“, пишува „Билд“.
Во текстот се наведува дека Матс Хумелс и Томас Милер, од репрезентацијата ќе се простат по завршувањето на Светското првенство во Катар.