Македонскиот фудбалски интернационалец Иван Тричковски доби голема сатисфакција за неговите одлични игри во првенството на Кипар. Тој вчера и официјално беше избран во тимот на сезоната во првенството на Кипар.
Тој го доби признанието на свечена церемонија, потсетувајќи дека и минатата сезона беше одличен. Уште поважно за него и за АЕК Ларнака е што Тричковски прикажува фантастични игри и оваа сезона и веќе има постигнато 12 гола.
Иван Тричковски е странецот со најмногу постигнати голови во историјата на кипарскиот шампионат и веќе прераснува во легенда на АЕК Ларнака.