Сезоната во Франција заврши пред три недели. Најголем дел од клубовите им дадоа одмор на своите фудбалери. Голманот на ПСЖ Мацчин Булка меѓу првите заминал од клубот. Тој се вратил во родниот Висогрод.
Булка нема по добро да се сеќава на овој свој престој во родниот град. Полските медиуми јавија дека синоќа тој имал сообраќајна несреќа.
Младиот голман поради неприлагодена брзина изгубил контрола врз автомобилот Ламборџини и излетал од патот. Имал среќа бидејќи минал без повреди, но целосно го уништил возилото вредно 224.000 евра.
Инаку автомобилот Ламборџини не бил во сопственост на Булка, туку тој го изнајмил од рен-а-кар агенција.
