Матју Валбуена му честиташе на Карим Бензема за освојувањето на „Златната топка“, иако ѕвездата на Реал Мадрид претходно беше осуден за уценување на поранешниот соиграч од француската репрезентација.
Во 2015 година, Валбуена го обвини Бензема дека соработувал со уценувачите кои бараа пари за да не пуштат секс-лента со Валбуен во јавноста, и по долгиот судски случј, во 2021 година Бензема беше осуден за скандалот. Поради оваа контроверза, Бензема не играше за Франција повеќе од шест години по изненадувачкиот камбек на Европското првенство минатат година.
„Среќен сум за него, тој ја заслужува наградата. Во животот мораш да бидеш искрен, и секогаш сум знаел како да го разделувам фудбалот и остатокот од животот. Тој имаше неверојатна сезона, а кога играш во клуб како Реал Мадрид и имаш такви перформанси, би било необјективно да кажам дека тој не ја заслужува ‘Златната топка’“, вели Валбуена.
38-годишниот Валбуена уште е активен фудбалер и последните три сезони игра во грчкиот клуб Олимпијакос.