Аргентинскиот напаѓач Гонзало Игуаин би можело на крајот на сезоната да ја заврши професионалната кариера иако има само 33 години.
Англиските и американските медиуми пренесуваат дека доколку Интер Мајами го отпушти аргентинскиот ас, тој ќе ја заврши кариерата.
Аргентинецот има уште две години од договорот со клубот од МЛС лигата, но најавите оттаму се дека сакаат да се ослободат од неговите обврски поради високата плата што ја има.
Интер Мајами е во финансиски проблеми, од клубот сакаат да и намалат платите на играчите, а Игуаин заработува 5,7 милиони долари годишно.
Досега, на 35 меча колку што настапи постигна 11 гола.