Top Sport

Интер не го даваат Шкрињар за помалку од 100 милиони

Милан Шкрињар во летниот преоден рок ќе биде еден од најбараните фудбалери на пазарот, меѓутоа ќе остане во Интер, поради цената што клубот ја одредил: Интер немаат намера да го продадат Словакот за помалку од 100 милиони евра.

Интерес за Шкрињар има кај најтрофејните шпански клубови Реал и Барселона, кај клубовите од Манчестер, Јунајтед и Сити, односно Ливерпул.

Неговиот менаџер Митхат Халис открил дека обесштетувањето за Шкрињар е големо, односно дека Интер нема намера да се откаже од него.

„Цената е голема, се работи за 100 милиони евра. Оваа цена можат да ја платат само два тима од Шпанија и неколку од Премиер лигата“, рекол Хилс.

Тој потврдил дека во минатото Атлетико Мадрид биле заинтересирани за Шрињар и тоа во периодот додека настапувал во Сампдорија.

„Атлетико го бараше додека играше во Сампдорија, но сега не се јавуваат. Кога станува збор за Барселона и Реал, досега не испратиле доволно добри понуди“, заклучил Халис.

Scroll to Top