Интер се заинтересирани да го донесат во Милано белгискиот напаѓач на Манчестер јунајтед како потенцијална замена за Мауро Икарди по „распадот“ на човечките односи во клубот и одземањето на капитенската лента, тврди „Тутомеркато“.
Интер наводно веќе се откажале од идејата да го заддржат Икарди по одбивањето да го продолжи договорот и одолговлекувањето на преговорите со неговата сопруга и агент, Ванда Нара, така што Лукаку е првата опција за негова замена.
Јунајтед би биле подготвени да го дадат Лукаку за 50 милиони евра, иако тоа е за 35 милиони евра помалку од сумата која ја дадоа на Евертон пред само две години. Во Јунајтед, Оле Гунар Солскјер најави „чистка“ во клубот, а Лукаку е еден од тие кои немаа стандардно место во првиот тим со него како тренер. Единствен проблем би била платата на Белгиецот од 10 милиони евра годишно.
#MUFC striker Romelu Lukaku is reportedly #Inter’s first choice to replace Mauro Icardi https://t.co/wSHJbHBY4L #FCIM pic.twitter.com/XaTjj3Jcts
— footballitalia (@footballitalia) April 22, 2019