Интер, барем привремено, се искачи на првото место во Серија А, откако на гостувањето кај Верона стигна до тешка 2:1 победа, шести триумф во низа во Италија на тимот на Антонио Конте.
На „Бентегоди“ по првото полувреме без голови, Ашраф Хакими му асистираше на Лаутаро Мартинез за водство на „нераѕурите“ во 52. минута, но домаќините се вратија во игра 11 минути подоцна кога Иван Илиќ израмни на 1:1. Милан Шкринијар во 69. минута го врати водството на гостите со еден рутински гол со глава.
Со трите поени, Интер се први со 33 поени, два повеќе од Милан, кои подоцна го пречекуваат Лацио во дербито на предбожиќното коло во Италија.