На Лука Јовиќ не му оди. Ниту на теренот, ниту очигледно во личниот живот, откако локалните медиуми „извадија“ вест дека тој ја оставил својата девојка со која има седуммесечно бебе, за да влезе во врска со српската манекенка Софија Милошевиќ.
21-годишниот Јовиќ, кој ова лето направи трансфер од соништата од Ајнтрахт Франкфурт во Реал Мадрид, во последно време беше на насловните страници поради неговата слаба форма на теренот и разочараноста кај навивачите на Реал, но оваа приказна сигурно „повеќе боли“.
Јовиќ од 2014 година бил во врска со Анѓела Маниташевиќ, со која оваа година го доби седуммесечниот син Давид, но во август решил да ја прекрати врската, по што во Мадрид неколку пати бил забележан во друштво со 29-годишната Софија Милошевиќ, која претходно беше во врска со Адем Љаиќ, Душко Тошиќ и Анте Ребиќ.
