Италијанскиот калчолигаш Јувентус денеска доби нов претседател, Џанлука Фереро. Откако синоќа раководството предводено од Андреа Ањели поднесе колективна оставка, од денеска се формира нова управа предводена од Фереро. Но, тој е всушност десната рака на Ањели.
Фереро досега беше менаџер на компанијата „Ексор“ која е под контрола на семејството Ањели. Тој е докажан фан на Јувентус, објаснуваат од компанијата „Ексор“.
Во новото раководство на Јувентус свои фунции треба да добијат познати имиња на клубот, Алесандро Дел Пјеро и Џорџо Кјелини.
Сега за „старата дама“ на финансиски план ќе следи предизвикувачки период. Ањели, Недвед и Аривабене решија да го напуштат клубот за да овозможат истрагата да се одвива непречено поради нивното лошо менаџирање со финансиите.