Јужна Африка вчера загуби од Гана во меч од квалификациите за Светското првенство во Катар со еден контроверзен пенал, и националната федерација бара преигрување на мечот поради скандалот.
Даниел Амарти, фудбалерот на Лестер, падна театрално по стартот на Рушин де Реук во првото полувреме и судијата Ндиаје Магет неочекувано покажа на белата точка, а Андре Ају беше сигурен за да ги пласира Гана во следната фаза на африканските квалификации.
Ghana make it to the World Cup play-offs thanks to this penalty decision and a 1-0 win over South Africa.
Wow. Just wow. ?#BlackStars #GHARSA #WCQ2022pic.twitter.com/Oxlda3kwhu
— Sanny Rudravajhala (@SannyR1985) November 14, 2021
„Судиите го решија мечот, и тоа не смее да се дозволи. Ќе пишеме писмо до Африканската конфедерација (ЦАФ) и до ФИФА за да ни ги објаснат ваквите одлуки. Ќе одиме со формална жалба и бараме преигрување на мечот. Не се работи само за овој пенал, туку за многу сомнителни одлуки на судиите“, вели претседателот на Јужноафриканската фудбалска федерација (САДА), Тебого Мотланте.
Ако се случи преигрување, тоа нема да биде преседан – токму Јужна Африка мораше да го преигра мечот со Сенегал во квалификациите за СП во 2018 поради судиска грешка, по која судијата Џозеф Лемпти доби доживотна суспензија. Причината беше тоа што Калиду Кулибали играше со колено, а судијата досуди пенал. Првиот меч Јужна Африка го доби со 2:1, вториот го загуби со 0:2 и Сенегал се квалификуваше за Мундијалот.
„ФИФА ни нареди да играме повторно со Сенегал, и за правдата да биде задоволена треба да добиеме нов меч против Гана“, објаснува Мотланте.