Фудбалерот на Баерн Минхен, Јосуа Кимих, кој одбива да се вакцинира против коронавирусот е заразен со вирусот Ковид-19. Кимих не се наоѓа во карантин,поради што ќе пропушти неколку натпревари, меѓу кои се дербиот со Борусија Дортмунд и дуелот со Барселона во Лигата на шампионите.
Кимих, веќе беше во изолација за време на репрезентативната пауза, бидејќи бил во контакт со лице заразено со вирусот. На последните тестирања и тој бил позитивен.
Баерн, нема да му го плаќа Кимих, додека тој е во изолација. Фудбалерот поради својата одлука ќе остане без речиси 800.000 евра.
„Секако дека сум свесен за одговорноста што ја носам. Ги почитувам сите мерки, се тестирам на секои три дена. Сметам дека вакцинацијата треба да биде индивидуална одлука. Морам да потенцирам дека не сум антиваксер и не негирам дека Ковид-19 постои. Исто така не тврдам дека нема да се вакцинирам. Можно е да го сменам мислењето, но во овој момент јас не сум вакциниран“, изјави Кимих пред неколку недели.
Баерн потврди дека покрај Кимих позитивен тест добил и Ерик-Максим Чупо Мотинг.
Во тимот на Баерн покрај овие двајца не се вакцинирани Серж Гнабри, Џамал Мусиала и Макјл Казинс.