Top Sport

Клоп не ја сфаќа Барселона: Ако немам пари, тогаш не трошам!

Менаџерот на Ливерпул, Јирген Клоп вели дека не може да разбере како Барселона продолжува да носи нови фудбалери и покрај финансиската несигурност во каталонскиот клуб.

dobivaj vesti na viber

Финансиската криза која ја погоди Барса за време на пандемијата на корона вирусот го остави клубот во долг од над милијарда евра, но ова лето, новиот претседател Жоан Лапорта наместо кратење на буџетот за играчи, потпиша договори со Роберт Левандовски, Рафиња, Жил Кунде, Франк Кеси и Андреас Кристенсен, продавајќи дел од ТВ-правата и придружните компании на клубот за да можат да бидат регистрирани. Во моментов, само уште Кунде останува нерегистриран за настап во шпанската Ла лига.

Зборувајќи за германскиот „Кикер“, Клоп вели дека поради различни причини не може да ја сфати финансиската ситуација на славниот шпански клуб.

„Прво, јас не сум финансиски експерт. Но, од друга страна, ако ми кажете дека немам пари, тогаш нема да трошам повеќе. Во минатото и мојата кредитна картичка беше исечена двапати, за среќа пред повеќе години. Ја следам ситуацијата како фудбалски навивач и не ги сфаќам. Последните неколку децении во кои гледам фудбал тој клуб бил фантастичен и се надевам дека ќе им успее ова што го прават“, вели Клоп.

Тој ја спореди ситуацијата со таа во неговиот поранешен клуб, Борусија Дортмунд.

„Единствен клуб кој знам дека во минатото ги продаде правата за стадионот и другите права однапред беше Борусија Дортмунд. Аки Вацке мораше да дојде во последен момент за да ја спаси ситуацијата. Не знам дали во Барселона имаат Аки Вацке“, додава Клоп.

Во 2005 година, Дортмунд беа пред банкрот, кога долгогодишниот навивач на клубот, Ханс-Јоаким (Аки) Вацке беше именуван за генерален директор. Со кратење на плати, продавање на правото за именување на нивниот „Вестфален“ стадион, тој успеа да ги исплати огромните долгови на клубот.

Link with us
Game bài đổi thưởng
Scroll to Top