Мауро Икарди во Пари Сен-Жермен требаше да ја „воскресне“ својата фудбалска кариера по нарушувањето на човечките односи во Интер кои го чинеа капитенска лента и доверба на навивачите и на клубот, но ниту на „Паркот на принцовите“ не му оди најдобро во таа област, ако се верува на весникот „Л’Екип“.
Контроверзниот Аргентинец успеал да ги наруши односите со двајца соиграчи од клубот, бидејќи Анхел ди Марија и Леандо Паредес го „изолирале“ поради тоа што се добри пријатели со Макси Лопез, човекот кому Икарди му ја „украде“ жената.
„Сапуницата“ околу Ванда Нара е добро позната – таа е поранешна сопруга на Лопез и причината за распадот на тој брак е токму Икарди.
Икарди е на позајмица во ПСЖ, но францускиот клуб има опција да го откупи неговиот договор на крајот на сезоната.