Менаџерот на Тотенхем, Антонио Конте, е оптимист дека ќе може да го води својот тим од клупата против Брајтон в сабота, и покрај тоа што покажа позитивен тест за Ковид-19. Тотенхем вчера откри дека Конте бил позитивен на коронавирус во текот на викендот, присуствувајќи на последниот тренинг на тимот од далечина.
„По натпреварот против Астон Вила почнав да чувствувам благи симптоми, имав болка во грлото. Побарав да направам тест за Ковид-19 и беше позитивен, но сега сум добро. Мислам дека ќе можам да бидам на клупата со моите играчи в сабота, со оглед дека помина доволно време од мојот тест за коронавирус“, изјави Конте.
Тотенхем е во трка за четвртата позиција на табелата во Премиерлигата која води во Лигата на шампионите следната сезона.