Ливерпул, во средата се пласираше во полуфиналето на англискиот Лига куп со убедливата победа од 5:1 над Вест Хем.
Јирген Клоп успеа да одмори дел од клучните играчи, но сепак не беше целосно задоволен. Германскиот тренер истакна играчите биле добри за разлика од навивачите кои го разочарале.
„Морам да кажам дека не бев задоволен од атмосферата. Ги прашав луѓето зад мене: „Што сакате? Сменивме многу работи, игравме како луди, доминиравме со Вест Хем, дури и пропуштавме многу шанси. Да бев на трибините, илјада проценти ќе застанев на прсти“, изјави Клоп и ги повика навивачите да навиваат подобро во првенственото дерби со Арсенал во сабота:
„Не знам дали натпреварот против Манчестер јунајтед беше толку лош што треба да се извиниме што не победивме. Ни треба Енфилд во сабота. Ако не сте расположени, дајте го вашиот билет на некој друг“.