Поранешниот фудбалер на Ливерпул, Дејан Ловрен го кажа тоа што го мисли секој фан на „црвените“, откако Мохамед Салах повторно остана „ускратен“ во изборот на ФИФА за најдобар играч и за најдобри 11 на светот.
Вчера, Роберт Левандовски ги победи Салах и Лионел Меси во гласањето за најдобар играч, што можеби не е толку зачудувачки, но тоа што во најдобрите 11 за 2021 со необична 3-3-4 формација немаше место за Египќанецот е навистина шокантно.
Фудбалерот на Зенит Санкт Петерсбург, Дејан Ловрен, кој беше еден од најблиските пријатели на Салах додека беа соиграчи во Ливерпул, јасно го кажа мислењето на Твитер.
„Нема место за Салах во ФИФПРО 11? Повторно! Тие што го познаваат фудбалот знаат дека тој заслужува да биде таму. Што треба да направи за да биде дел од овој тим? Можеби да земе европски пасош“, напиша Хрватот.
No place for @MoSalah to be placed in the Fifapro world11?? Again!!
People with knowledge about football they know that he deserves to be in there. What needs to be done to be there? Maybe a European passport. ??♂️
— Dejan Lovren (@Dejan06Lovren) January 18, 2022
Најдобрите 11 на денешницата според играчите – се согласувате ли?