Кристијано Роналдо го искористи одморот кој Манчестер јунајтед им го даде на дел од фудбалерите, за мал одмор со Георгина Родригез на пролетно сонце. Роналдо објави заедничка фотографија на Инстаграм, но не ја откри локацијата.
Роналдо и Родригез неодамна објавија дека нивниот син почина при пораѓањето, откако тие очекуваа близнаци. По ова, тој го пропушти мечот против Ливерпул, но се врати за мечот со Арсенал, а беше дел и од тимот кој загуби со 4:0 од Брајтон, резултат кој значи дека Јунајтед не се квалификува за Лигата на шампиони следната сезона.
Последниот меч од сезоната, „ѓаволите“ го играат на 22 мај на гости кај Кристал палас.