Манчестер сити и Лигата на шампионите не се „мирисаат“ одамна, и англискиот шампион секогаш има проблем да го наполни стадионот на европските натпреварувања, така што не изненадува одлуката пред мечевите со три релативно „послаби“ тимови да ангажираат „инфлуенсери“ да ја фалат атмосферата на стадионот.
„Лигата на шампионите оваа година ни даде три релативно непознати тимови што значи дека нашите навивачи потешко ќе доаѓаат на стадион. Бараме студенти, млади професионалци и нови луѓе во Манчестер кои се нашата идеална публика. Сакаме да ја пренесеме одличната атмосфера на ’Етихад’ преку инфлуенсери кои ќе ја раскажат автентичната приказна како е да си на меч на Манчестер сити“, се вели во рекламата на Манчестер сити.
На страна инсинуацијата кон своите ривали, Шахтјор Доњецк, Динамо Загреб и Аталанта како „релативно непознати тимови“, повеќе коментатори ја потенцираа „бесрамноста“ да морате да ги мотивирате своите навивачи да дојдат на стадион.
For people who don’t think it’s real it’s on Tribe (an app for influencers to collab with brands) pic.twitter.com/1vwjyCkcrW
— Beth Worrall ✨ (@BlogBeth) October 22, 2019