Аргентинскиот клуб Гимназија Ла Плата потврди дека легендата Диего Марадона веќе не е нивни тренер по само два месеци.
Марадона реши да замине од клубот откако вети дека ќе се повлече ако сегашниот претседател на клубот, Габриел Пелегрино не се кандидира за нов мандат.
„Марадона веќе не е тренер на Гимназија. Резервниот тренер Маријано Месера ќе го води тимот против Арсенал Саранди“, изјави Пелегрино.
59-годишниот Марадона оваа година си замина од мексиканскиот второлигаш Дорадос, откако во два плеј-офа не успеа да ги внесе во првата лига. Во септември тој беше ангажиран како тренер на Гимназија и успеа малку да ја подобри нивната форма, победувајќи во три од последните пет натпревари на чело на клубот. И покрај ова, Гимназија останува во зоната за испаѓање на Суперлигата со 24 клуба.
Presidente anuncia decisão de Maradona de deixar o Gimnasia de La Platahttps://t.co/6VvlPiHq52 pic.twitter.com/U4BXtUlOIb
— Cristiano Munari (@crmunari) November 19, 2019