Екипата на Милан беше првата која тргна во потера по српскиот интернационалец во редовите на Фиорентина, стоперот Никола Миленковиќ, но информациите што денеска доаѓаат од Италија велат дека и Интер е заинтересиран за неговите услуги.
Милан сака да направи размена со „виолетовите“, во Фиренца да го испрати Бразилецот Лукас Пакета, а Миленковиќ да дојде на „Сан Сиро“.
Интер пак, според информациите, е поконкретен. „Нероазурите“ наводно нудат 40 милиони евра за Србинот да прејде во екипата на Конте, пари кои се доволни за сопственикот на Фиорентина, Роко Комисо да го пушти во Милано.
Засега нема конкретна понуда, но двата големи ривали од Милано ќе се надмудруваат допрва.