Најкорисниот кошаркар во НБА лигата, Никола Јокиќ, се враќа во репрезентацијата на Србија за Евробаскет 2022. Српскиот центар му потврдил на тренерот Светислав Пешиќ дека ќе игра во августовскиот „прозорец“ и на Европското првенство, но нема да биде дел од јунските натпревари поради правилата на НБА лигата кои ограничуваат колку време може да помине еден кошаркар со тимот.
Во конкретниот случај е на 28 дена до почетокот на Евробаскетот.
„Редовно разговараме со сите кандидати, ги следиме нивните игри како и различните ситуации во кои се наоѓаат на крајот од една многу напорна клупска сезона. Ситуацијата е особено сложена во однос на првите два натпревари кои не очекуваат, против Летонија и Белгија, и многу е важно да имаме разбирање и трпение. Она што е сигурно е дека НБА играчите имаат ограничување на максималниот број денови што можат да ги поминат со репрезентација во текот на едно лето .Прозорецот во август го потврди и Никола Јокиќ, кој ќе биде со репрезентација од првиот ден кога тоа го дозволуваат правилата на НБА“, изјави директорот на машката репрезентација на Србија, Драган Тарлаќ.