Поранешното крило на Арсенал, Џермејн Пенант ќе ја објави својата автобиографија „Ментал“, во која ќе открие детали за неговиот проблематичен живот, како врските со бандите од Нотингем и трките со автомобили.
Пенант, кој дојде кај „топчиите“ како 15-годишник, вели дека бил целосно вклучен во бандите како млад, и открива како посетувал еден пријател во кома откако бил избоден 15 пати, без за тоа да знае Арсенал.
„Моите пријатели беа горди на мене, на тоа што од Медоуз стигнав до Премиер лигата, и неговата мајка мислеше дека ќе му биде подобро ако ме слушне мене. Не се охрабрив да им кажам каде одам. Тоа беше страшен момент, бидејќи си помислив дека тоа може да сум јас“, пишува Пенант во извадок објавен во „Дејли мирор“.
One week until my ‘Mental’ book is out in the world. It’s going to be a belter. Don’t miss it. Tweet #GoMental at me before August 9th for a chance to win a signed copy. Pre-order your copy here> https://t.co/QHIUAa0dhb pic.twitter.com/gh144u0Pqp
— jermaine pennant (@pennant83) August 2, 2018
Пенант дојде во Арсенал во 1999 година, но дебитираше во Премиер лигата во 2002 година и поголем дел од кариерата помина како позајмен играч, пред да замине во 2005 година. Покрај настапите за „топчиите“, тој играше за Ливерпул и Стоук. Тој исто открива како уживал во трките со автомобили и како во еден инцидент сакале да го истуркаат од патот.
„Тоа беше како да си заробен во играта ГТА. Мојот пријател одеше лево-десно, а автомобилот се удираше во нас. Девојките внатре вриштеа“, додава Пенант.