Жерар Пике, кој е еден од капитените ќе и прости на Барселона значителна сума, а се работи за околу 30 милиони евра. Станува збор за дел од парите кои клубот му ги должеше поради пандемијата, но и приходите од кои Пике се откажа од актуелниот договор кој трае до 2024 година.
Легендарниот дефанзивец на шпанската репрезентација и една од иконите на Барселона, најави дека утре ќе го одигра последниот натпревар во кариерата. Пике за Барса одигра 615 натпревари, а последниот ќе го одигра против Алмерија во 13. коло од шпанското првенство.
Пред пандемијата, Пике заработуваше околу 28 милиони евра годишно и беше меѓу најплатените играчи во клубот, а меѓу првите се согласи на намалување на договорот за клубот да може нормално да функционира и да носи играчи.
Со Барселона освои осум шампионати на Шпанија, шест Суперкупа и седум Кралски купови. На меѓународна клупска сцена освои три титули – во Лигата на шампионите, Суперкупот на Европа и Светското клупско првенство.